早前《後生仔傾嚇偈》首次搞船P進行戶外拍攝,一眾主持人都以泳裝登場,新咪神波波黃凱儀話自己慨船P初體驗奉獻咗畀《後生仔》,不過渠就好孤寒,件泳衣包到上頸,仲被網民激烈投訴。而平時好大方又好鐘意去船P的馮盈盈,亦以一件頭泳衣現身,仲用絲巾包到冚,被指船上冇富二代唔使釣金龜,慳番唔好蝕!
《後生仔傾嚇偈》搞船P拍節目,觀眾最期待肯定是一眾女主持以泳裝示人,不過今次要大家失望喇!先睇「後生仔一姐」馮盈盈,她身穿白色一件頭泳衣,全程都披住條絲巾在心口前,就連拍攝時都唔除,完全冇睇頭。
馮盈盈身穿白色一件頭泳衣,用絲巾遮住心口位置,好彩仲有對腳。 (圖片來源:馮盈盈IG)
馮盈盈著埋條白色長褲,上次同富二代去船P都唔系咁著慨! (圖片來源:馮盈盈IG)
馮盈盈出鏡都披巾
平時好勇鬥狼的馮盈盈,今次一於唔蝕底包到冚,即使在船上玩遊戲,她都繼續用絲巾包實,被網民彈過於保守,叫渠拎開條絲巾。
《後生仔》中女,船P
今次《後生仔》船P女多男少,除了馮盈盈,另一焦點人物波波黃凱儀亦離奇地冇睇頭……青春無敵的無線小花就算穿三點式都外穿衣物遮掩,系咪公司落咗ORDER唔畀露呀?船P冇三點式欣賞,點算系船P?
4男8女的《後生仔》船P。
戴祖儀重著已經出過鏡的黃色泳衣。
遊嘉欣雖然有著三點式,但外穿吊帶衫。
Jojo黃紫恩只敢在自己的社交網po三點式照。
Bonnie呂靜文都系密實,只露出腰及腿部。
波波首次去船P感新奇 憑《後生仔傾嚇偈》上位的波波黃凱儀,日前出海遊船河與陽光玩遊戲,她表示自己第一次去船P,覺得幾好玩,仲話在海上浮都唔繫好難,不過最難忘唔系水上活動,而系喺船P上食雞翼同臺灣腸。
波波在遊艇內影相曬腳。
波波一反常態變保守 平時肯博肯露的波波,今次竟以一套設計相當令人意想不到的「肚兜泳衣」亮相,泳衣包到上頸,除了遮蓋她的美好身段外,顏色方面亦略嫌有點土味,不少波粉希望愈大失望愈大,更指落差太大接受不到,有網友留言「要show線先有睇頭」、「我阿媽都著得好睇過你」。
波波話好期待下一次出海,網民當然系期待渠下次唔好咁保守。
波波包到上頸的泳衣加波褲造型,令粉絲大失所望。
好彩仲有一張側面展示美好身材。
背面都系冇嘢睇!
波波再補多張未P照,令人更加失望。